सशस्त्र प्रहरी बल नेपाल नं. ९ पशुपतिनाथ बाहिनी मुख्यालयको आयोजनामा काठमाडौं महानगरपालिका–१ स्थित कमलपोखरीमा शुक्रबार विपद् व्यवस्थापनसँग सम्बन्धित बाहिनी अभ्यास सम्पन्न भएको छ।

बिहान ९:२५ बजेदेखि सञ्चालन भएको अभ्यास जिल्ला समन्वय समितिका प्रमुख सन्तोष बुढाथोकीको प्रमुख आतिथ्य तथा नं. ९ पशुपतिनाथ बाहिनीका बाहिनीपति सशस्त्र प्रहरी नायब महानिरीक्षक माधव प्रसाद पौडेलको विशिष्ट आतिथ्यमा सम्पन्न भएको हो।
अभ्यासमा नेपाल प्रहरी परिसर काठमाडौंका प्रमुख प्रहरी वरिष्ठ उपरीक्षक दिलीप घिमिरे, दंगा नियन्त्रण रेजिमेन्टका सहायक कमाण्डर सशस्त्र प्रहरी उपरीक्षक बिक्रम हुमागाईं, नं. २० गणका गणपति सशस्त्र प्रहरी उपरीक्षक जीवन के.सी., नं. १८ गणका गणपति सशस्त्र प्रहरी उपरीक्षक रामकृष्ण महर्जन, नेपाली सेनाको नरसिंह दल गणका प्रतिनिधि, नं. ९ बाहिनीका प्रतिनिधि, हामी नेपालका प्रतिनिधि, सञ्चारकर्मी तथा जिल्ला समन्वय समितिको आयोजना र नं. २० गणको सहकार्यमा सञ्चालित दुई दिने विपद् पूर्वतयारी, उद्धार तथा व्यवस्थापन तालिमका प्रशिक्षार्थीहरूको सहभागिता रहेको थियो।